Que é?

A Semana da Ciencia é un evento de carácter europeo que se celebra anualmente para achegar a ciencia e a tecnoloxía á sociedade. Durante os días de celebración, todo tipo de entidades públicas e privadas están chamadas a abrir as súas portas e organizar actividades coas que se pretende amosar aos cidadáns, dun xeito ameno e accesible, como a ciencia e a tecnoloxía están presentes nas súas vidas cotiás, desde os elementos máis simples aos máis sofisticados. O obxectivo da Semana da Ciencia é azuzar o pensamento, provocar a curiosidade e divertir a un público o máis amplo posible. Na última edición arredor de 40 entidades públicas e privadas organizaron máis dun cento de actividades por toda Galicia.